სერბეთში საგანგებო მდგომარეობა გამოცხადდა

სერბეთის ხელისუფლებამ მთელი ქვეყნის მასტაბით საგანგებო მდგომარეობა გამოაცხადა, რაც წყალდიდობის საფრთხეს უკავშირდება.

მთავრობის პრესსამსახურის ინფორმაციით, საგანგებო რეჟიმის შემოღება ხდება პრევენციის მიზნით, რომელიც საშუალებას მისცემს ქვეყნის ყველა შესაბამის ორგანოს, მოქალაქეებისა და მათი ქონების გადასარჩენად, ასევე წყალდიდობის შედეგების ლიკვიდაციის თვალსაზრისით მუშაობა დააჩქაროს.

ბოლო დღეების განმავლობაში ქვეყნის მთელ ტერიტორიაზე მოსული ძლიერი წვიმის შედეგად, მდინარეები კალაპოტებიდან გადმოვიდა და ცალკეული რაიონები დატბორა.

სერბი მეტეოროლოგები სტიქიის გაგრძელებას მომავალი კვირის სამშაბათამდე პროგნოზირებენ.