თსუ-ში სიტუაცია მწვავდება - სტუდენტებს შორის დაპირისპირება მოხდა
სახელმწიფო უნივერსიტეტის სტუდენტებს შორის დაპირისპირება მოხდა. გიორგი გაფრინდაშვილის მოწინააღმდეგეები შეკრებილნი იყვნენ უნივერსიტეტის სასწავლო პროცესის მართვის დეპარტამენტთან, რა დროსაც სტუდენტთა ერთი ჯგუფი, რომელიც თვითმმართველობის მხარდამჭერები არიან, დაუპირისპირდნენ.
საპატრულო პოლიციის და სახელმწიფო უნივერსიტეტის დაცვის თანამშრომლების ჩარევით დაპირისპირებული მხარეების გაშველება დროულად მოხდა. ადგილი ჰქონდა სიტყვიერ შეურაცხყოფას, ასევე ტელეკამერებისთვის ხელის შეშლის ფაქტს. დაცვის თანამშრომლებმა დაპირისპირებულ მხარეებს შორის დერეფანი გააკეთეს.
იხილეთ დაპირისპირების პირველი კადრები
თბილისის სახელმწიფო უნივერსიტეტში სტუდენტების ორი პარალელური აქცია 12:00 საათიდან დაიწყო. უნივერსიტეტის კანცლერობის კანდიდატის გიორგი გაფრინდაშვილის მოწინააღმდეგეები სახელმწიფო უნივერსიტეტის კიბეებზე შეიკრიბნენ, ხოლო უნივერსიტეტის თვითმმართველობის და გიორგი გაფრინდაშვილის მხარდამჭერები - უნივერსიტეტის ეზოში.
სტუდენტების ჯგუფი, რომელიც რამდენიმე დღეა უნივერსიტეტის ფოიეში ღამეს ათენებს, მოითხოვს უშიშროების თანამშრომლებმა დატოვონ საუნივერსიტეტო სივრცე, გაუქმდეს სტუდენტური თვითმმართველობის პრივილეგიები; ასევე, უნივერსიტეტის რექტორისა და კანცლერის არჩევის პროცესში მოხდეს სტუდენტებისა და ლექტორების მაქსიმალური ჩართულობა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
