"თორნიკეს ცოდვა ედოს ყველა მსაჯულს" - მაგდა პაპიძის დის პირველი კომენტარი ვერდიქტის გამოცხადების შემდეგ

ქმარ-შვილის მკვლელობაში ბრალდებული მაგდა პაპიძის და ლანა პაპიძე ნაფიცი მსაჯულების გადაწყვეტილებაზე პირველ კომენტარს აკეთებს.

"პროკურატურა დაჭერით დაგვემუქრა ყველას, ვინც სიმართლეს ვიტყოდით. მთელი მოწმეები გამიქცია. თორნიკეს ცოდვა ედოს ყველა მსაჯულს, ყველას..."- განაცხადა ლანა პაპიძემ.

ნაფიცმა მსაჯულებმა მაგდა პაპიძეს გამამტყუნებელი განაჩენი გამოიტანეს. გადაწყვეტილება ცოტა ხნის წინ გამოცხადდა. ბრალდებულის ოჯახმა საქალაქო სასამართლო უკვე დატოვა.

დღევანდელ პროცესზე ბრალდების და დაცვის მხარეებმა დასკვნითი სიტყვა წარმოსთქვეს. ბრალდებულის მოთხოვნით სხდომა დილიდან დაიხურა. როგორც მაგდა პაპიძემ აღნიშნა, პროცესებიდან ისეთი ინფორმაცია გადის, რომელიც რეალობას არ ასახავს, ამ ინფორმაციას ისმენენ ნაფიცი მსაჯულები და მისი გავლენის ქვეშ ექცევიან.

ბოლო დროის ყველაზე გახმაურებელი საქმე რამდენიმე კვირაა გრძელდება. თავდაპირველად ბრალდების მხარის მოწმეები დაიკითხნენ, მათ შორის მაგდა პაპიძის მეგობარი მამაკაცი ოთარ ბერძენიშვილი, გარდაცვლილი ომარ ქაფიაშვილის დედა და ძმა, ასევე ქაფიაშვილების მეზობლები. სასამართლომ დაცვის მხარის მოწმეების პოზიციაც მოისმინა.

ასევე ნახეთ: რა ხდება მაგდა პაპიძის საქმეზე განაჩენის გამოცხადების შემდეგ - კადრები სასამართლოდან