შიდა ქართლის სამხარეო პოლიციის უფროსმა თანამდებობა დატოვა

შიდა ქართლის სამხარეო პოლიციის უფროსმა იაგო საურმა თანამდებობა დატოვა. ინფორმაცია Ambebi.ge-ს შინაგან საქმეთა სამინისტროს პრესსამსახურში დაუდასტურეს. ჯერჯერობით უცნობია, ვინ შეცვლის საურს.

"იაგო საური პირადი განცხადების საფუძველზე აღარ იკავებს თანამდებობას და კადრების განკარგულებაში იმყოფება",- განაცხადეს შინაგან საქმეთა სამინისტროს პრესსამსახურში.

იაგო საური შიდა ქართლის სამხარეო პოლიციის უფროსის თანამდებობაზე 2015 წლიდან მუშაობდა.