თურქეთში სამხედრო გადატრიალების ბრალდებით 6 ათასამდე ადამიანი დააკავეს

თურქეთში, სამხედრო ამბოხში მონაწილეობის ბრალდებით, ბოლო მონაცემებით, ექვსი ათასამდე ადამიანია დაკავებული. ამის შესახებ "ბი-ბი-სი" თურქეთის იუსტიციის სამინისტროზე დაყრდნობით იუწყება.

საინფორმაცია სააგენტო "ანადოლუ" თურქეთში 51 სამხედრო მაღალჩინოსნის დაკავების შესახებ წერს. მათ შორის არის დენიზლის გარნიზონისა და სპეცდანიშნულების მე-11 რაზმის სარდალი, გენერალი ქამილ ოზჰან ოზბიქირი. დაკავებულები იზმირის ციხეში იმყოფებიან.

ასევე დაკავებულია 426 მოსამართლე.