სროლა აღსრულების ბიუროს ეზოში - დაჭრილია ორი პირი

აღსრულების ეროვნული ბიუროს ეზოში სროლა იყო. როგორც "ინტერპრესნიუსს" აღსრულების ბიუროს პრესსამსახურში განუცხადეს, ორმა კერძო პირმა ერთმანეთს ცეცხლსასროლი იარაღიდან ესროლა.

მათივე ინფორმაციით, დაჭრილია ორივე მათგანი, რომლებიც ამ დროისთვის საავადმყოფოში არიან გადაყვანილი.

"ინციდენტს აღსრულების ეროვნულ ბიუროსთან არავითარი კავშირი არა აქვს. დაპირისპირება ორ კერძო პირს შორის მოხდა", - განაცხადეს აღსრულების ეროვნულ ბიუროში.

ადგილზე საპატრულო პოლიცია მუშაობს.