მიუნხენის პოლიცია სამი ადამიანის გარდაცვალებას ადასტურებს

ამ ეტაპზე, მიუნხენის პოლიცია ოლიმპიურ სავაჭრო ცენტრში სროლების შედეგად სამი ადამიანის გარდაცვალების შესახებ ინფორმაციას ადასტურებს.

ამ დროისთვის, ქალაქის მასშტაბით, მოძრაობა გადაკეტილია. ქალაქის საავადმყოფოები მუშაობის გაძლიერებულ რეჟიმზე გადავიდნენ. პოლიცია მოსახლეობას მოუწოდებს, საზოგადოებრივი თავშეყრის ადგილებზე ყოფნისგან თავი შეიკავონ.

პოლიციამ ჯერ ვერ დაადგინა, სად იმყოფება დამნაშავე, რომელიც სავაჭრო ცენტრში ისროდა. პოლიცია სპეცოპერაციას ატარებს კარლსპლატცის მოედანზე, სადაც ასევე სროლის ხმა ისმოდა.