თბილისსა და საქართველოს რეგიონებში კვირის ბოლომდე არამდგრადი ამინდია მოსალოდნელი.
როგორც AMBEBI.GE-ს გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განუცხადა, დასავლეთ საქართველოში დღეს უნალექო ამინდია მოსალოდნელი. ჰაერის ტემპერატურა იქნება 16-21 გრადუსი.
რაც შეეხება საქართველოს აღმოსავლეთ რეგიონებს, თბილისსა და კახეთში მცირე წვიმაა მოსალოდნელი. ჰაერის მაქსიმალური ტემპერატურა დღეს იქნება 14-15 გრადუსი. შიდა ქართლსა და სამცხე ჯავახეთში 17-18 გრადუსია მოსალოდნელი.
"აღმოსავლეთ საქართველოში ხვალ გამოიდარებს, თუმცა, მცირე ხნით და 15 ნოემბრიდან კვირის ბოლომდე ჰაერის ტემპერატურა კვლავ დაიკლებს. რაც შეეხება დასავლეთ საქართველოს, უმეტეს რაიონებში იწვიმებს, ჰაერის ტემპერატურა კი 10-13 გრადუსია მოსალოდნელი", - განაცხადა გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ.
მისივე ინფორმაციით, თბილისში კვირის ბოლომდე თოვლს არ უნდა ველოდოთ, თუმცა იქნება წვიმა და გაძლიერდება დასავლეთის ქარი.