ლაშა თორდიას სახლში გამომძიებლები მივიდნენ

სახელმწიფო აუდიტის სამსახურის უფროსის ლაშა თორდიას სახლში, რამდენიმე წუთის წინ გამომძიებლები მივიდნენ.

სახლში თორდიას დაკითხვა გრძელდება, რომელიც გუშინ საავადმყოფოში დაიწყო და რომელიც გენერალური აუდიტორის ჯანმრთელობის მდგომარეობის გამო შეწყდა.

ლაშა თორდიასა და ყოფილ მთავარ პროკურორ ოთარ ფარცხალაძეს შორის რამდენიმე დღის წინ დაპირისპირება მოხდა, რის შემდეგაც სახელმწიფო აუდიტის სამსახურის ხელმძღვანელი სხვადასხვა დაზიანებით საავადმყოფოში გადაიყვანეს.

თორდია კლინიკიდან დღეს გაწერეს.