ზესტაფონში ირანის მოქალაქე სავარაუდოდ, ჯვრის შეურაცხყოფის გამო სცემეს

ზესტაფონში ირანის მოქალაქე სავარაუდოდ, ჯვრის შეურაცხყოფის გამო სცემეს. შემთხვევა გუშინ თამარ მეფის ქუჩაზე მოხდა.

თვითმხილველების თქმით, ირანელი მოქალაქე, რომელიც სამარშუტო ტაქსიდან ჩავიდა, თამარ მეფის ქუჩაზე მდებარე ჯვართან ახლოს მივიდა და შეურაცხყო. ამ ფაქტის გამო მას ადგილობრივი დაუპირისპირდა.

"საქალაქთაშორისო მარშუტმა თამარ მეფის ქუჩაზე გააჩერა, სადაც მგზავრები ჩამოვიდნენ. მათ შორის იყო ირანელი მოქალაქეც, რომელიც ჯვართან ახლოს მივიდა და მოშარდა. ახალგაზრდა ზესტაფონელი ბიჭი მივიდა იმის ასახსნელად, რომ ეს არ შეიძლებოდა. თუმცა, საუბარი ფიზიკურ დაპირისპირებაში გადაიზარდა. ადგილზე გამოიძახეს საპატრულო სამსახური, რომელმაც ადგილობრივი დააკავა, ხოლო ირანელი გაუშვა", - აცხადებენ თვითმხილველები. 

დაკავებულის შესახებ ინფორმაციას შსს არ ავრცელებს, თუმცა უწყებაში აცხადებენ, რომ გამოძიება 126-ე და 178-ე მუხლით მიმდინარეობს, რაც ჯანმრთელობის განზრახ დაზიანებას და ძარცვას გულისხმობს. შსს-ში განმარტავენ რომ სამართალდამცველების მიერ ინციდენტში მონაწილე ყველა ადამიანის ვინაობა დადგენილია.

ირაკლი აკობია

Ambebi.ge