კახეთში, კოხტას მთაზე ხანძრის ლოკალიზების პროცესში სასაზღვრო პოლიციის ვერტმფრენი ჩაერთო

თელავის რაიონში, კოხტას მთაზე ხანძრის ლოკალიზების პროცესში სასაზღვრო პოლიციის ვერტმფრენი უკვე ჩაერთო.

როგორც კახეთის გუბერნატორმა ირაკლი ქადაგიშვილმა განაცხადა, ქართულ ვერტმფრენთან ერთად მალე ხანძრის ლოკალიზების პროცესში ირანული ვერტმფრენებიც ჩაერთვებიან.

კახეთის გუბერნატორის ინფორმაციით, რთული რელიეფის გამო ვერტმფრენის ჩართვა არის აუცილებელი თუშეთში, სოფელ ხახაბოშიც.

"ვერტმფრენები ორივე ლოკაციაზე გადანაწილდებიან. ხანძრები დიდი არ არის, თუმცა ორივე ტერიტორია მიუდგომელია და საჭირო გახდა ავიაციის ჩართვა", - განაცხადა ქადაგიშვილმა.

იხილეთ ვიდეო: პირველი კადრები კოხტას მთის ფერდობიდან, სადაც ხანძრის ჩასაქრობად 2 ირანული და 1 ქართული ვერტმფრენი გაფრინდა

"ინტერპრესნიუსი"