მეგან მარკლი შობას დედოფალთან ერთად გაატარებს

მეგან მარკლი შობას სანდრინგემში, დედოფალთან და სამეფო ოჯახის სხვა წევრებთან ერთად გაატარებს, ინფორმაცია კენსინგტონის სასახლემ დაადასტურა.

მეგანისა და პრინცი ჰარის ნიშნობის შესახებ ცნობილი გასულ თვეს გახდა, ისინი ერთად დაესწრებიან შობის ტრადიციულ მსახურებას ეკლესიაში.

მათთან ერთად იქნებიან პრინცი უილიამი და ქეით მიდლტონიც.

როგორც წესი, სამეფო ოჯახი შობის წირვას 25 დეკემბრის დილას წმინდა მარიამ მაგდალინელის სახელობის ტაძარში ესწრება. ასობით ადამიანი მათ გზაზე ხვდება და შობას ულოცავს.

ოჯახის ახალგაზრდა წევრები ხალხს ესაუბრებიან, მათგან ყვავილების თაიგულებს იღებენ.

მომზადებულია bbc.com-ის მიხედვით