რა მდგომარეობაში არიან მეტრო "ვარკეთილში" დაშავებულები - ყველა მეტროსადგურის სარეაბილიტაციო სამუშაოები შეჩერდა

მეტროსადგურ "ვარკეთილში" შემთხვევის შედეგად დაშავებულთაგან სტაციონარი ორმა პაციენტმა დატოვა, დღის ბოლომდე კი, კიდევ 6 დაშავებული გაეწერება.

სამ დაშავებულს ოპერაცია უკვე ჩაუტარდა. დღის განმავლობაში ქირურგიული ჩარევა დაგეგმილია რომ ჩაუტარდება კიდევ ერთ პაციენტს. დაშავებულები თბილისის მასშტაბით ოთხ სხვადასხვა კლინიკაში გადიან შესაბამის სამედიცინო მკურნალობას. ჯანდაცვის სამინისტროს ინფორმაციით,

"ოპტიმალ მედში" მოათავსეს - 1, "თბილისის ზღვის ჰოსპიტალში" - 6, "ამტელ ჰოსპიტალში" - 4, ხოლო ინგოროყვას კლინიკაში -3 პაციენტი.

თბილისის მერის, კახა კალაძის ინფორმაციით, ყველა მეტროსადგურის სარეაბილიტაციო სამუშაოები დროებით გაჩერდა. ამის შესახებ კალაძემ ჟურნალისტებს განუცხდა. მისივე თქმით, რეაბილიტაციის პროცესი პროექტების შესწავლისა და მონიტორინგის შემდეგ გაგრძელდება.

"ყველა მეტროსადგურის სარეაბილიტაციო სამუშაოები შეჩერებულია. ყველა პროექტს უნდა ჩაუტარდეს ექსპერტიზა. გუშინ გავეცი დავალება, რომ ყველა კომპანიას, რომელსაც რეაბილიტაცია ევალება, შეუჩერდეს მუშაობის ნებართვა, რადგან უნდა მიხდეს იმ კონკრეტული პროექტების შემოწმება, რაზეც რეაბილიტაცია ტარდება. უნდა მოხდეს პროექტების შესწავლა, რომ ყველანაირი საფრთხე იქნას თავიდან აცილებული", - განაცხადა კალაძემ.

შეგახსენებთ, რომ გუშინ მეტროსადგურ "ვარკეთილში" ჭერი ჩამოინგრა, რის შედეგადაც 14 ადამიანი დაშავდა. მერიამ აღნიშნული გადაწყვეტილება სწორედ მომხდარი ფაქტის გათვალისწინებით მიიღო.