სამი ტრანსგენდერი ქალის ცემის ფაქტზე შინაგან საქმეთა სამინისტრომ გამოძიება დაიწყო.
როგორც „ინტერპრესნიუსს“ უწყებაში განუცხადეს, გამოძიება 126-ე მუხლით არის დაწყებული, რაც ძალადობას გულისხმობს.
არსებული ინფორმაციით, სამ ტრანსგენდერ ქალს 2 დღის წინ სცემეს. მათ დაზიანებები აღენიშნებათ.
ამ ინციდენტის მონაწილე ერთ-ერთ ტრანსგენდერ ქალს, მირანდა ფაღავას 28 იანვარსაც სცემეს. შემთხვევა 04:00 საათზე, თბილისში, თამარაშვილის ქუჩაზე მოხდა, რისთვისაც ერთი პირია დაკავებული და მას სასამართლომ აღკვეთის ღონისძიების სახედ პატიმრობა შეუფარდა.