რას ჰყვება ანა ნაცვლიშვილის მკვლელობაში ბრალდებულის მეგობარი - "ჩვეულებრივი, დალაგებული ურთიერთობა ჰქონდათ"
შინაგან საქმეთა სამინისტრომ 21 წლის ანა ნაცვლიშვილის მკვლელობის ბრალდებით მისი შეყვარებული ლ.გ. დააკავა. როგორც უწყებაში გამართულ ბრიფინგზე გახდა ცნობილი, ახალგაზრდამ ანა ნაცვლიშვილის ცივი იარაღით სასიკვდილო ჭრილობა შურისძიების მოტივით მიაყენა და ადგილიდან მიიმალა.
პოლიციამ უკვე დაკითხა მკვლელობაში ბრალდებულის მეგობრები. როგორც დაკითხვის შემდეგ ლ.გ-ს მეგობარმა ნიკოლოზ ქიტუაშვილმა აღნიშნა, ანას და ლ.გ-ს დალაგებული ურთიერთობა ჰქონდათ და მასთან რაიმე კონფლიქტის შესახებ არც ერთს არაფერი უთქვამს. ქიტუაშვილს უჭირს იმაზე საუბარი, იყო თუ არა მკლელობის მოტივი შურისძიება.
"მოვყევი რა ხდებოდა და როგორ ხდებოდა, არაფერი განსაკუთრებული არ მითქვამს, რომ ჩემმა ჩვენებამ რამე შეცვალოს. ვერანაირ დასკვანს ვერ გავაკეთებ. ჩვეულებრივი დალაგებული ურთიერთობა ჰქონდათ, ჩემთან არეული ურთიერთობის შესახებ არაფერი უხსენებია", - განაცხადა მკლელობაში ბრალდებულის მეგობარმა "რუსთავი 2"-თან საუბრისას.
ცნობისთვის, 21 წლის ანა ნაცვლიშვილის გვამი თემქაზე დღეს დილით იპოვეს. გოგონა სახელმწიფო უნივერსიტეტის პედაგოგიურ ფაკულტეტის სტუდენტი იყო.
წაიკითხეთ: რა დეტალებს ჰყვებიან თემქაზე მოკლული გოგონას მეზობლები - "ხალათით იყო უკვე და ისე გაიყვანა სახლიდან"
თბილისში ცნობილ ნეიროქირურგს სცემეს - "ათასობით ადამიანის გადამრჩენს ვიღაც ველური ცემს..."
შსს-ს გაფრთხილება აქციის მონაწილეებს - უწყება განცხადებას ავრცელებს
