4,5 ტონა კოკაინი ბანანების კონტეინერში - ნიდერლანდებში კონტრაბანდაში ეჭვმიტანილი 6 პირი დააკავეს

ნიდერლანდების პოლიციამ კოლუმბიიდან 4,5 ტონა კოკაინის კონტრაბანდაში ეჭვმიტანილი 6 პირი დააკავა. ამის შესახებ NL Times იუწყება. პოლიციის ინფორმაციით, ნარკოტიკის მსხვილი პარტია ბელგიელმა მებაჟეებმა აღმოაჩინეს ანტვერპენის პორტში, ერთ-ერთ კონტეინერში, სადაც ბანანები უნდა ყოფილიყო. დაკავებულებს შორის ნიდერლანდების 5 და კოლუმბიის 1 მოქალაქეა.

პოლიციის ინფორმაციით, ამოღებული ნარკოტიკის სავარაუდო ღირებულება 170 მილიონ ევროს შეადგენს.