15 წლის ბიჭმა სამაშველოს მოსვლამდე სახლიდან ბავშვი და მისი ბებია გამოიყვანა

15 წლის ბიჭმა ცეცხლმოკიდებული სახლიდან ბავშვის და მისი ბებიის გამოყვანა შეძლო. Independent-ის ინფორმაციით, ლონდონელი ჯეკ ვუდი სკოლიდან ბრუნდებოდა, როდესაც შენიშნა, სახლიდან კვამლი ამოდიოდა. მან დედამისს უთხრა სამაშველო სამსახურისთვის დაერეკა, თავად კი სახლში შეიჭრა, რათა 1 წლის ბავში და მისი ასაკოვანი ბებია გარეთ გამოეყვანა.

"მათ ვიცნობ და ვიცოდი, რომ სახლში 1 წლის ბავშვი იქნებოდა, ბებია კი მის სწრაფად გამოყვანას ვერ შეძლებდა. ამიტომ სწრაფად შევირბინე, ჯერ ბავშვი გამოვიყვანე და შემდეგ ბებია," - ჰყვება ჯეკი.

ადგილობრივი მცხოვრებლებისთვის მოზარდი ნამდვილ გმირად იქცა, მადლიერების ნიშნად კი მისთვის ვებგვერდის საშუალებით თანხის მოგროვება დაიწყეს.