ზუგდიდში, დადიანის ქუჩაზე მოზარდი დაჭრეს. არსებული ინფორმაციით, ჭრილობა არასრულწლოვანს ცივი იარაღით აქვს მიყენებული.
დაჭრილი ზუგდიდის რეფერალურ ჰოსპიტალშია გადაყვანილი. საავადმყოფოს დირექტორის ნიკა ჭეჟიას ინფორმაციით, გულ-მკერდის არეში დაჭრილის მდგომარეობა სტაბილურია. ექიმების თქმით, პაციენტს სამედიცინო გამოკვლევები უტარდება.
მომხდარზე შინაგან საქმეთა სამინისტრომ გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
იხილეთ ვიდეო: მორიგი სისხლიანი გარჩევა ზუგდიდში - დაჭრილია ერთი მოზარდი