უზბეკეთში ქორწილებსა და დღესასწაულებზე სტუმართა რაოდენობას კანონით განსაზღვრავენ

უზბეკეთის პარლამენტი ქორწილებსა და სხვა დღესასწაულებზე სტუმართა რაოდენობის განსაზღვრას აპირებს. ამის შესახებ „სპუტნიკი“ წერს.

დადგენილების პროექტი, რომელიც ქორწილების, საოჯახო დღესასწაულების და სხვა ღონისძიებების ჩატარებას დაარეგულირებს, უზბეკეთის პარლამენტის სენატმა მოამზადა.

დოკუმენტის ავტორები საოჯახო დღესასწაულების ხანგრძლივობისა და სტუმართა რაოდენობის დარეგულირების ინიციატივით გამოდიან. დადგენილების პროექტის თანახმად, ქორწილები და სხვა დღესასწაულები 10:00 საათიდან 23:00 საათამდე უნდა იმართებოდეს, ამასთან, სუფრებზე ფლავის შემოტანა კი მხოლოდ 12:00 საათიდან 15:00 საათამდე უნდა ხდებოდეს. ქორწილებში და სხვა დღესასწაულებში სტუმართა რაოდენობა არ უნდა აღემატებოდეს 150-ს, ფლავის შემოტანის პერიოდში კი - 200 ადამიანს.