საყდრისის ტერიტორიაზე ოპოზიციური პარტიები და RMG gold-ის წარმომადგენლები ერთმანეთს დაუპირისპირდნენ

საყდრისის ტერიტორიაზე ოპოზიციური პოლიტიკური პარტიებისა და RMG gold-ის წარმომადგენლებს შორის დაპირისპირება მოხდა.

როგორც ”ინტერპრესნიუსს” ”ნაციონალურ მოძრაობაში” განუცხადეს, პარტიები მოითხოვენ საყდრისის მიმდებარედ იმ მიწის ნახვას, რომელიც ეკონომიკის სამინისტროს აუქციონზე გამოაქვს.

მას შემდეგ, რაც პარტიების წარმომადგენლებმა საყდრისის ტერიტორიაზე შესვლაზე უარი მიიღეს, მათ შლაგბაუმის გადალახვა მაინც მოახერხეს. ამჟამად კი, როგორც ”ნაციონალურ მოძრაობაში” აცხადებენ, პარტიების წარმომადგენლები, კომპანიის წარმომადგენლებთან მოლაპარაკებას აგრძელებენ.