რუსეთის პრეზიდენტი ვლადიმერ პუტინი სირიაში 100 ათასზე მეტი ჩეჩენი ჯარისკაცის გაგზავნას აპირებს, - ამის შესახებ დაჯგუფება „ჰეზბოლასთან“ დაკავშირებული ლიბანური გამოცემა „ად-დიარი“ წერს.
გამოცემის ინფორმაციით, დამასკოს, იდლიბისა და ალეპოს პროვინციებში 15-ათასიანი კონტინგენტები, ჰომსის, ჰამას და დარაას პროვინციებში კი 10-ათასიანი კონტინგენტები განთავსდება. კიდევ 32 000 ჯარისკაცი კი რეზერვს წარმოადგენს. საერთო ჯამში, საუბარია 107 ათას ჯარისკაზე.
„ად-დიარი“-ს მტკიცებით, ასეთი ნაბიჯის მიზანი ქრისტიანების მუსლიმებით ჩანაცვლებაა, ვინაიდან ჩეჩნები მსოფლიოში ყველაზე მებრძოლი ერია.