თბილისში მოკლული მამაკაცი ბიზნესმენი იყო - მას თავდამსხმელი ბანკის თანამშრომლად გაეცნო

მეზობლების ინფორმაციით, თბილისში, ჭაბუა ამირეჯიბის გზატკეცილზე მოკლულ მამაკაცს თავდამსხმელი „საქართველოს ბანკის“ წარმომადგენლად გაეცნო, კარის გაღების შემდეგ კი მას ესროლა.

როგორც შემთხვევის ადგილზე ამბობენ, მოკლული ბიზნესმენი ნუგზარ კახიძეა, რომელსაც თავდამსხმელმა 7 ტყვია ესროლა.

თავდასხმის შედეგად დაჭრილია კიდევ ერთი ადამიანი, რომელიც სავარაუდოდ, მოკლულთან დამხმარედ მუშაობდა. არსებული ინფორმაციით, ბიზნესმენს 30 წლამდე მამაკაცმა ესროლა.

როგორც შინაგან საქმეთა სამინისტროში განაცხადეს, მომხდარზე გამოძიება სსკ-ის 108-ე და 236-ე მუხლებით დაიწყო, რაც განზრახ მკვლელობას და იარაღის უკანონო შეძენა-შენახვას გულისხმობს.