წყნეთში ერთ-ერთი სამინისტროს ავტომანქანა მოზარდს დაეჯახა

წყნეთში ერთ-ერთი სამინისტროს ავტომანქანა მოზარდს დაეჯახა. შემთხვევა სკოლასთან ახლოს მოხდა. ავარიის შედეგად 12 წლის მოზარდმა სხეულის მსუბუქი დაზიანებები მიიღო. დაშავებული სასწრაფო დახმარების ბრიგადამ საავადმყოფოში გადაიყვანა.

როგორც Ambebi.ge-ს შსს-ს პრესსამსახურში განუცხადეს, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.