ხარაგაულში ავტოსაგზაო შემთხვევა მოხდა. ავტომობილი ხრამში გადავარდა, რის შედეგადაც ორი ახალგაზრდა ადგილზე გარდაიცვალა. გავრცელებული ინფორმაციით, ავტომობილი, რომელშიც მეთერთმეტე კლასელები ისხდნენ, ხრამში ღამის 12:00 საათზე გადავარდა. მათი პოვნა რამდენიმე საათიანი ძებნის შემდეგ გახდა შესაძლებელი. შინაგან საქმეთა სამინისტროს ინფორმაციით, მომხდარზე გამოძიება 276-ე მუხლის მეშვიდე ნაწილით მიმდინარეობს.