მეიდანზე, რესტორან „მაჭახელაში“ხანძარი ლიკვიდირებულია, - ამის შესახებ „ინტერპრესნიუსს“ საგანგებო სიტუაციების მართვის სამსახურში განუცხადეს. პირველადი მონაცემებით, დამწვარია 170 კვ.მეტრამდე ფართობი. ჯერჯერობით უცნობია, თუ რამ გამოიწვია აალება. უსაფრთხოების მიზნით, მეიდნის მიმდებარე ტერიტორიაზე დროებით გათიშულია ელექტროენერგია და ბუნებრივი აირი.
ხანძარი რესტორან „მაჭახელაში“ სამუშაო საათებში მაშინ გაჩნდა, როცა ობიექტზე მომსახურე პერსონალი და მომხმარებლები იმყოფებოდნენ. თვითმხილველთა ინფორმაციით, ალეება სხვენიდან დაიწყო. დამწვარია შენობის მესამე სართული და სახურავი.
მეიდანზე ამ დრომდე ვრცელდება შეზღუდვები, კერძოდ, ავტომობილების მოძრაობა აკრძალულია, შესაბამისად, საპატრულო პოლიციას გადაკეტილი აქვს როგორც მეიდნის ტერიტორია, ისე მასთან დამაკავშირებელი ყველა ქუჩა. შეზღუდვა ვრცელდება ქვეითად მოსიარულეებზეც.