ძლიერი მიწისძვრის შედეგად ირანში 76 ადამიანი დაშავდა

ირანში მიწისძვრის შედეგად დაშავებულთა რიცხვმა 76-ს მიაღწია, ამის შესახებ ადგილობრივი საინფორმაციო სააგენტო IRNA იუწყება.

ექიმების ინფორმაციით, ხუთი ადამიანი საოპერაციოდ გადაიყვანეს. 39 დაშავებული საჭირო მკურნალობის შემდეგ საავადმყოფოდან გაწერეს.

მიწისძვრა, რომლის სიმძლავრემ რიხტერის შკალით 5.1 მაგნიტუდა შეადგინა, ირანში დღეს, ადგილობრივი დროით 04:08 საათზე, ქალაქ იასუჯიდან 11 კილომეტრში მოხდა. მიწისძვრის კერა 10 კილომეტრის სიღრმეზე მდებარეობდა.