საქართველოს ნაკრების ყოფილი დამრიგებელი NBA-ს კლუბის "ფინიქს სანსის" მწვრთნელი გახდა

საქართველოს ნაკრების ყოფილი დამრიგებელი იგორ კოკოშკოვი NBA-ს ბინადარი კლუბის, "ფინიქს სანსის" მწვრთნელი გახდა.

"ყველა ძალიან ბედნიერი ვართ, რომ ბატონი კოკოშკოვი არიზონაში დავაბრუნეთ.

მას ძალიან დიდი სამწვრთნელო გამოცდილება აქვს, რაც ჩვენ ძალიან წაგვადგება", - აღნიშნა "სანსის" გენერალურმა მენეჯერმა რაიან მაკდონუჰმა.

კოკოშკოვი გახდა პირველი მწვრთნელი, რომელიც ჩრდილოეთ ამერიკის გარეთ დაიბადა და NBA-ს გუნდი ჩაიბარა.

სერბი სპეციალისტი "ფინიქსში" მწვრთნელის ასისტენტად 2008-13 წლებში უკვე მუშაობდა. ნაციონალურ საკალათბურთო ასოციაციაში კი 2000 წლიდან მოღვაწეობს.

კოკოშკოვმა 2017 წელს სლოვენიის ნაკრებთან ერთად ევრობასკეტი მოიგო. ის 2008-15 წლებში საქართველოს ნაკრებსაც ავარჯიშებდა, რომელიც ევრობასკეტზე სამჯერ გაიყვანა.

წყარო: sportall.ge