შიშველი დამლაგებელი მაღალი ანაზღაურებით - ბრიტანეთის სამთავრობო საიტზე უცნაური ვაკანსიაა

ბრიტანეთის სამთავრობო დასაქმების საიტზე გამოქვეყნდა ვაკანსია, სადაც „შიშველ დამლაგებელს“ ითხოვდნენ.

Mirror-ის ინფორმაციით, კომპანიამ Fantasy Cleans საიტზე Universal Jobmatch განათავსა ვაკანსია დამლაგებელი ქალებისა და მამაკაცებისთვის, რომლებიც მზად არიან, საკუთარი მოვალეობა შიშვლებმა შეასრულონ.

სანაცვლოდ, კომპანია დასაქმებულებს საათში 25-50 ფუნტ სტერლინგს სთავაზობდა.

ამასთან, მოთხოვნების თანახმად, დამლაგებელს კომფორტულად უნდა ეგრძნო თავი სამოსის გარეშე, უნდა ყოფილიყო 21 წლისაზე მეტი, კომუნიკაბელური, მეგობრული.

ინტერნეტმომხმარებლები ვაკანსიის განთავსებისთანავე აღშფოთდნენ და განცხადება მალე წაშალეს.