ვინ არის მსოფლიოს ყველაზე გავლენიანი ადამიანი, რომელმაც გავლენით პუტინი დაჩრდილა - Forbes-ის ახალი რეიტინგი

ჟურნალმა Forbes-მა მსოფლიოს ყველაზე გავლენიანი ადამიანების რეიტინგი გამოაქვეყნა. ბოლო ხუთი წლის განმავლობაში პირველად, გამოკითხვის ლიდერი შეიცვალა და ის არა ვლადიმერ პუტინი, არამედ ჩინეთის ლიდერი სი ძინ პინია.

გამოცემა აღნიშნავს, რომ სი ძინპინის მაღალი რეიტინგი განპირობებულია თანამედროვე ჩინეთისთვის არნახული სახელისუფლებო უფლებამოსილებით, რომელიც თავმოყრილია ერთი ადამიანის ხელში.

რუსეთის ლიდერმა ამ სიაში მეორე ადგილზე გადაინაცვლა, მესამე ადგილზე ამერიკის პრეზიდენტი დონალდ ტრამპია. მეოთხე ადგილზეა გერმანიის კანცლერი ანგელა მერკელი, მეხუთეზე - „ამაზონის“ დამფუძნებელი ჯეფ ბეზოსი.