"მოკვდა მტერი, პატივი მივაგოთ მას გულწრფელი მტრობისთვის" - როგორ ეხმაურება რუსი სენატორი ჯონ მაკკეინის გარდაცვალებას

ჯონ მაკკეინი რუსეთის შეურიგებელი მტერი იყო, რომლისთვისაც ჩვენი ქვეყანა მიუღებელი იყო, - ამის შესახებ რუსმა სენატორმა, ფედერაციის საბჭოს წევრმა ოლეგ მოროზოვმა განაცხადა. „სენატორი მაკკეინი გარდაიცვალა. ის ცნობილი იყო თავისი სიძულვილით რუსეთთან მიმართებაში. ის ღია ანტირუსული აზროვნების თანამედროვე სიმბოლო გახდა. მისი არსი შემდეგი იყო: რუსეთი მხოლოდ მტრული შეიძლება იყოს. მისთვის კარგი რუსეთი მკვდარი რუსეთი იყო“, - განაცხადა რუსმა სენატორმა. ოლეგ მოროზოვის თქმით, „ჯონ მაკკეინის ლოგიკა ის იყო, რომ რუსეთი ყოველთვის მტერი იქნებოდა“.„მოკვდა მტერი. პატივი მივაგოთ მას მისი გულწრფელი მტრობისთვის, გულწრფელი სიძულვილისთვის, შეურიგებლობისთვის“, - დასძინა მან.