ჯონ მაკკეინის 106 წლის დედა შვილის პანაშვიდზე

ამერიკელი სენატორის ჯონ მაკკეინის ცხედარი საპატიო ყარაულის თანხლებით ვაშინგტონში, აშშ-ს კაპიტოლიუმში გადაასვენეს.

ცერემონიას ესწრებოდნენ მაკკეინის მეუღლე და შვილები. ჯეკ მაკკეინმა დროებით ავღანეთის მისია დატოვა და მამის გარდაცვალების გამო სამშობლოში დაბრუნდა.

მედიის განსაკუთრებული ყურადღება მიიპყრო ცერემონიაზე მისულმა რობერტა მაკკეინმა - გარდაცვლილი სენატორის 106 წლის დედამ. რობერტა შვილის კუბოსთან ეტლით მიიყვანეს, რადგან მას გადაადგილება უჭირს, თუმცა ასაკის მიუხედავად შესანიშნავად გამოიყურება.

მაკკეინი 81 წლის ასაკში, ტვინის სიმსივნით გარდაიცვალა. ის ბოლო ერთი წელი ებრძოდა უკურნებელ სენს.

სენატორს 2 სექტემბერს, მერილენდის შტატში, ქალაქ ანაპოლისში დაკრძალავენ.

ფოტო: Washingtonpost; People