საქართველოში 8 თვეში შემოწმებული პირების ნახევარზე მეტს ნარკოტიკის მოხმარება დაუდგინდა
2018 წლის იანვარ-აგვისტოში, ნარკოლოგიურ შემოწმებაზე დადებითი შედეგი მთელი საქართველოს მასშტაბით 3 628 პირს, ხოლო თბილისში 1 707 პირს დაუდგინდა. ამის შესახებ ინფორმაციას შინაგან საქმეთა სამინისტრო აქვეყნებს.
როგორც სამინისტროს მიერ გამოქვეყნებულ ინფორმაციაშია აღნიშნული, იანვარ-აგვისტოში ნარკოლოგიური შემოწმება ქვეყანაში სულ 6 675 პირმა გაიარა და მათგან ნახევარზე მეტს, 3 628 პირს დადებითი შედეგი დაუდგინდა. სამინისტროს მიერ გამოქვეყნებული ინფორმაციის მიხედვით, ნარკოლოგიურ შემოწმებაზე ყველაზე მეტი დადებითი შედეგი აპრილ-მაისში დაფიქსირდა.
საქართველოს მასტაბით, ნარკოლოგიურ შემოწმებაზე წარდგენილი პირებისა და მათგან დადებითი შედეგების სტატისტიკა თვეების მიხედვით შემდეგნაირად ნაწილდება:
იანვარში წარდგენილია 668 პირი, დადებითი შედეგი - 383
თებერვალში წარდგენილია 774 პირი, დადებითი შედეგი - 430
მარტში წარდგენილია 918 პირი, დადებითი შედეგი - 483
აპრილში წარდგენილია 1039 პირი, დადებითი შედეგი - 499
მაისში წარდგენილია 1101 პირი, დადებითი შედეგი - 499
ივნისში წარდგენილია 851 პირი, დადებითი შედეგი - 480
ივლისში წარდგენილია 739 პირი, დადებითი შედეგი - 454
აგვისტოში წარდგენილია 585 პირი, დადებითი შედეგი - 400
ამასთან, დედაქალაქის მასშტაბით ნარკოლოგიური შემოწმება გაიარა 2 871 პირმა და მათგან ნახევარზე მეტს, 1707 პირს დადებითი შედეგი დაუდგინდა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
