ლექტორმა 500 სტუდენტს აუდიტორიაში შეცდომით პორნოვიდეო ჩაურთო

უნივერსიტეტის პროფესორმა ლექციის დროს პროექტორზე შემთხვევით პორნოგრაფიული ვიდეო გაუშვა, ინფორმაციას The Sun ავრცელებს.

დაახლოებით 500-მდე სტუდენტი ფსიქოლოგიის ლექციის მოსასმენად შეიკრიბა, თუმცა აუდიტორიაში ნანახმა ყველა მოლოდინს გადააჭარბა. სოციალურ ქსელებში ვრცელდება ვიდეო, სადაც გაოცებული და გამხიარულებული სტუდენტები ჩანან.

თუმცა, კადრებში ჩანს, რომ სტუდენტების ნაწილი მომხდარის გამო აუდიტორიას ტოვებს.

ინციდენტი ტორონტოს უნივერსიტეტში მოხდა. აუდიტორიის პროექტორზე გაშვებული პორნოგრაფიული ვიდეოს შესახებ სტუდენტებმა „სნეფჩეთსა“ და სხვა სოციალურ ქსელებში დაწერეს.

უნივერსიტეტის ადმინისტრაცია აცხადებს, რომ ყველას, ვინც თავი შეურაცხყოფილად იგრძნო, მხარდაჭერას უცხადებს.