ტაილანდელი მილიარდერის ვერტმფრენი მთლიანად დაიწვა - "ლესტერ სიტის" მფლობელი, სავარაუდოდ, გარდაცვლილია

„ლესტერ სიტის“ ფანები ელოდებიან ინფორმაციას, იმყოფებოდა თუ არა საფეხბურთო კლუბის მფლობელი საკუთარი თვითმფრინავის ბორტზე, რომელიც ავტოპარკში შეჯახების შედეგად მთლიანად დაიწვა. CNN-ის ინფორმაციით, ლესტერის პოლიცია ჯერ-ჯერობით არ ამბობს, შემთხვევის დროს სად იმყოფებოდა კლუბის მფლობელი, ტაილანდელი მილიარდერი ვიჩაი შრივადანაპრაბაჰა.

ბიზნესმენი კლუბს 2010 წლიდან ფლობს, გუნდის თამაშებზე დასასწრებად King Power Stadium-ზე ყოველთვის საკუთარი ვერტმფრენით ეშვებოდა.

ვერტმფრენი „ლესტერ სიტისა“ და „ვესტ ჰემის“ შეხვედრამდე დაახლოებით 1 საათით ადრე დაიწვა.

დამწუხრებულმა ფანებმა კლუბის მფლობელის მემორიალი მოაწყეს, იმის მიუხედავად, რომ შრივადანაპრაბაჰას გარდაცვალება ოფიციალურად ჯერ არ დაუდასტურებიათ.