ლაშა თორდიას პირველი კომენტარი ოთარ ფარცხალაძისთვის ბრალის წარდგენის შემდეგ

აუდიტის სამსახურის ყოფილი უფროსი ლაშა თორდია არ გამორიცხავს, რომ ყოფილ მთავარ პროკურორს, ოთარ ფარცხალაძეს ბრალი მისი ცემის საქმეზე ჰქონდეს წარდგენილი.

როგორც "ინტერპრესნიუსს" ლაშა თორდიამ განუცხადა, ფარცხალაძის ბრალის წარდგენის თაობაზე ჯერჯერობით კონკრეტულ ინფორმაციას არ ფლობს. მისი თქმით, ადვოკატები ხვალ განცხადებას გააკეთებენ.

"ჯერ არ ვიცი, რა მუხლით წარედგინა. ხვალ გავარკვევთ ყველაფერს. ადვოკატებიც განცხადებას გააკეთებენ. ვვარაუდობ, რომ ჩემ საქმეზე წარდეგინა. ზუსტად არ ვიცი. ალბათ კი..", - განაცხადა ლაშა თორდიამ.

ყოფილი მთავარი პროკურორის, ოთარ ფარცხალაძისთვის ბრალის წარდგენის საქმეზე ხვალ მთავარ პრკურატურაში განცხადება გაკეთდება. არაოფიციალური ინფორმაციით, ფარცხალაძეს ბრალი ყოფილი მთავარი აუდიტორის, ლაშა თორდიას ცემის საქმეზე წარედგინა.