უახლოესი 3 დღის ამინდის პროგნოზი: დასავლეთში სითბო, აღმოსავლეთში - ნისლი და ნალექი

გარემოს ეროვნული სააგენტო უახლოესი დღეებისთვის ამინდის პროგნოზს აქვეყნებს. მომდევნო სამი დღის განმავლობაში აღმოსავლეთ საქართველოში ნალექიანი, დასავლეთში კი უნალექო ამინდი იქნება.

17-20 დეკემბერს დასავლეთ საქართველოში მოსალოდნელია შედარებით თბილი და უმეტესად უნალექო ამინდი, ხოლო აღმოსავლეთ საქართველოს ზოგიერთ რაიონში შესაძლოა მცირე ნალექი და ნისლი აღინიშნოს.

ზემო იმერეთსა და კოლხეთის დაბლობზე იქროლებს აღმოსავლეთის მიმართულების ძლიერი ქარი. ჰაერის ტემპერატურა დასავლეთ საქართველოს დაბლობში +12, +17, აღმოსავლეთ საქართველოს ბარში +4, +9 გრადუსის ფარგლებშია მოსალოდნელი.

თბილისში შესაძლოა მცირე ნალექი და ნისლი აღინიშნოს. ჰაერის ტემერატურა +7 +9 გრადუსი იქნება.