რამდენ დღეს დაისვენებენ სკოლები და ბაღები სააღდგომოდ

28 აპრილს მართლმადიდებლური სამყარო აღდგომის ბრწყინვალე დღესასწაულს აღნიშნავს. საჯარო სკოლის მოსწავლეებისთვის აღდგომასთან დაკავშირებით, სკოლაში რამდენიმედღიანი არდადეგები იქნება. კერძოდ, მოსწავლეები აპრილის თვეში 4 დღის განმავლობაში დაისვენებენ. ტრადიციულად უქმე იქნება წითელი პარასკევი და აღდგომის მომდევნო ორშაბათი, ანუ 26-29 აპრილის ჩათვლით, მოსწავლეები საგაკვეთილო პროცესისგან გათავისუფლდებიან.

რაც შეეხება ბაგა-ბაღებს, როგორც AMBEBI.GE-ს თბილისის ბაგა-ბაღების სააგენტოში განუცხადეს, მოსწავლეების მსგავსად, პატარები დაისვენებენ 26-დან 29 აპრილის ჩათვლით.

"ბაღებში დავისვენებთ იმ უქმე დღეებში, რომელიც აღდგომასთან დაკავშირებით არსებობს" - განუცხადეს AMBEBI.GE-ს თბილისის ბაგა-ბაღების სააგენტოში.

რაც შეეხება ზაფხულის არდადეგებს სკოლებში, განათლების სამინისტროში AMBEBI.GE-ს განუცხადეს რომ, ზაფხულის არდადეგები 15 ივნისიდან 15 სექტემბრამდე განისაზღვრა. რაც შეეხება ზაფხულის დასვენებას ბაღებში - პატარებისთვის ბაღი ივნისის ბოლომდე გაგრძელდება (ზუსტი თარიღი ჯერ განსაზღვრული არ არის) ივლისის თვის განმავლობაში კი 40 საზაფხულო ბაღი იფუნქციონირებს.