დოლიძის ქუჩაზე ორ მამაკაცს ქარისგან მოგლეჯილი ხე დაეცა

ძლიერმა ქარმა თბილისში რამდენიმე ხე წააქცია და ელექტროგანათების ბოძები დააზიანა. ვარკეთილში დაზიანებულია ავტომობილიც.

AMBEBI.GE-ს საგანგებო სიტუაციების მართვის სამსახურში განუცხადეს, რომ ამ დროისთვის თბილისში 25 გამოძახება იყო და ყველა მათგანზე დროული რეაგირება მოხდა. აქედან, მხოლოდ ერთ შემთხვევას მოჰყვა მოქალაქეების დაშავება - ძლიერი ქარის გამო თბილისში, დოლიძის ქუჩაზე ორ მამაკაცს ხე დაეცა.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ორივე მამაკაცს სამედიცინო დახმარება ადგილზევე აღმოუჩინეს, შემდეგ კი, სასწრაფო სამედიცინო დახმარების ჯგუფმა ისინი კლინიკაში გადაიყვანა. მათ სიცოცხლეს საფრთხე არ ემუქრება.