"წლის დაგვირგვინება..." - პატრული ხელის მოსაწერად პირდაპირ სამოქმედო კვადრატიდან მივიდა (ფოტო)

"წლის დაგვირგვინება" - ამ კომენტარით ავრცელებს ფოტოებს შინაგან საქმეთა სამინისტროს თანამშრომელი მარიამ კასოიანი, რომელმაც დღეს საპატრულო პოლიციის ლეიტენანტზე შოთა ჭიპაშვილზე იქორწინა.

იუსტიციის სახლს წყვილმა პირდაპირ სამსახურებიდან მიაკითხა. ხელის მოწერის ფოტოები "ფეისბუქზე" გაავრცელეს და უამრავი მილოცვაც მიიღეს.

მარიამი შსს-ს ლოჯისტიკის დეპარტამენტში მუშაობს. მან და შოთა ჭიპაშვილმა ერთმანეთი გაზაფხულზე სამსახურებრივი მოვალეობის შესრულების დროს გაიცნეს და წლის ბოლოს ქორწინებით დააგვირგვინეს. აღსანიშნავია, რომ წყვილის მეჯვარეებიც შსს-ს თანამშრომლები იყვნენ.