მიიღებს თუ არა ოკუპირებული აფხაზეთის დე ფაქტო საპრეზიდენტო არჩევნებში მონაწილეობას ასლან ბჟანია - ოპოზიციის ლიდერის კომენტარი

აფხაზეთის ოპოზიციურ ძალთა ბლოკის ლიდერის ასლან ბჟანიას განცხადებით, მიიღებს თუ არა ოკუპირებული აფხაზეთის დე ფაქტო საპრეზიდენტო არჩევნებში მონაწილეობას, ახლა აქტუალური არ არის.

მისი თქმით, ახლა, ნომერ პირველი ამოცანა შექმნილი პოლიტიკური კრიზისიდან გამოსვლაა. „შემდეგ კი ვნახოთ“, - განაცხადა მან.

ბჟანიას თქმით, არის საუბარი, რომ რაულ ხაჯიმბა დიალოგისთვის მზად არის. თუკი „პრეზიდენტის“ მხრიდან კონკრეტული წინადადებები იქნება, მზად არის მათზე რეაგირებისთვის.

მისივე განცხადებით, თუკი ხაჯიმბა შემხვედრ ნაბიჯს არ გადადგამს და კომპრომისულ გადაწყვეტილებებს არ მიღებს, მდგომარეობა გაუარესდება.

„ვითარება კიდევ უფრო დამძიმდება და ნაკლებად კონტროლირებადი გახდება. მართებული რეაქციის არარსებობამ პრეზიდენტის მხრიდან, შესაძლოა, კონტროლის დაკარგვა გამოიწვიოს“, - განაცხადა ბჟანიამ.