"სვანები გაოცებულნი არინ, ასეთი მკაცრი ზამთარი დიდი ხანია არ ყოფილაო" - ფოტორეპორტაჟი ულამაზესი სვანეთიდან, სადაც -20 გრადუსი ყინვაა

8 თებერვალს სვანეთში, კურორტ ჰაწვალის 7 კმ-იან სათხილამურო ტრასაზე, ვეტერანი მოთხილამურის, თეზო ჯაფარიძის სახელობის ტურნირი გაიმართა. ტრადიციული შეჯიბრი, მთის კურორტების განვითარების კომპანიის მხარდაჭერით, მოყვარულ ქალ და მამაკაც მოთხილამურეებს შორის ჩატარდა. გამარჯვებულები გახდნენ: მამაკაცებში: 1. ლაშა ჯაფარიძე; 2. ბორია ჯაფარიძე; 3. შოთიკო ჯაფარიძე; ქალბატონებში: 1. მარიამ ჭკადუა; 2. მარიამ ჯაფარიძე; 3. სალომე კვიციანი; კონკურსი უკვე 6 წელია ყოველწლიურად იმართება და წელს მასში 40-მდე მოთხილამურე მონაწილეობდა.

როგორც სვანეთიდან AMBEBI.GE-ს კორესპონდენტი იტყობინება, გუშინ მესტიაში მთელი დღის განმავლობაში ქარი იყო და თოვდა. ტემპერატურა ღამით - 20 გრადუსამდე დაფიქსირდა, დღისით კი -14 გრადუსია. როგორც ადგილობრივები აღნიშნავენ, ასეთი მკაცრი ზამთარი სვანეთში დიდი ხანია არ ყოფილა. მიუხედავად მკაცრი ამინდისა, სათხილამურო კურორტს უამრავი უცხოელი ტურისტი სტუმრობს, მათ შორის კორეელები, უკრაინელები, რუსები და ფინელები.

იხილეთ ლალი პაპასკირის ფოტოები დათოვლილი სვანეთიდან.