გახარიამ ფაშინიანს ყაზბეგური ნაგაზი აჩუქა
პრემიერ-მინისტრმა გიორგი გახარიამ საქართველოში ვიზიტად მყოფ სომხეთის პრემიერ-მინისტრ ნიკოლ ფაშინიანს ყაზბეგური ნაგაზის ლეკვი აჩუქა.
სომხეთის მთავრობის მეთაურმა "ფეისბუქის" პირად გვერდზე გამოაქვეყნა ამის ამსახველი კადრები მინაწერით:
"ჩემი მეგობრის, საქართველოს პრემიერ-მინისტრ გიორგი გახარიას ძვირფასი საჩუქარი, ბომბორი, წმინდა კავკასიური მეცხვარე. ის იქნება ჩვენი მეხუთე ძაღლი კაილოს, დათვის, ამპიკას და მოლის შემდეგ. მადლობა!" - წერს სომხეთის პრემიერ-მინისტრი „ფეისბუქზე“.
გახარიამ საჩუქრის გადაცემისას სტუმარს რუსულად მიმართა და უთხრა: "ეს არის ის, რაც საქართველოს შეეძლო მოეცა თქვენთვის, ცოცხალი".
ფაშინიანი დაინტერესდა, აქვს თუ არა ძაღლს სახელი. გახარიამ უთხრა, რომ პასპორტის მიხედვით, ლეკვს ბომბორა ჰქვია - "არაჩვეულებრივია! ეს იქნება მისი სახელი" - აღნიშნა სომხეთის პრემიერმა.
ნიკოლ ფაშინიანი საქართველოს 3 მარტს ეწვია. სომხეთის პრემიერს თბილისის საერთაშორისო აეროპორტში საქართველოს საგარეო საქმეთა მინისტრი დავით ზალკალიანი დახვდა.
ვიზიტის ფარგლებში ნიკოლ ფაშინიანი საქართველოს პრეზიდენტ სალომე ზურაბიშვილს, პრემიერ-მინისტრ გიორგი გახარიას და პარლამენტის თავმჯდომარე არჩილ თალაკვაძეს შეხვდა. ნიკოლ ფაშინიანმა ასევე შეხვედრა გამართა სრულიად საქართველოს კათოლიკოს პატრიარქთან.
სომხეთის პრემიერ-მინისტრის ვიზიტი დღეს, 4 მარტს დასრულდება.
"მიმაჩნია, რომ ავადმყოფობა სირცხვილი არ არის" - ამირან გამყრელიძის შვილს კორონავირუსი აღმოაჩნდა
"დავეხმაროთ ხატიას, რომ 10 თვის პატარა დედის გარეშე არ დარჩეს" - 24 წლის გოგოს საზოგადოების დახმარება ესაჭიროება
