იტალიიდან სპეცრეისით საქართველოს მოქალაქეები ჩამოვიდნენ - კადრები თბილისის აეროპორტიდან

იტალიიდან სპეცრეისით საქართველოს 156 მოქალაქე ჩამოვიდა. თბილისის საერთაშორისო აეროპორტში ცოტა ხნის წინ Georgian Airways-ის ორი თვითმფრინავი დაჯდა, რომლებმაც რომი-თბილისის სპეციალური რეისი შეასრულა.

აეროპორტში ეპიდემილოგები იმყოფებიან, რომლებიც ყველა მგზავრს სათითაოდ შეამოწმედებ. ამის შემდეგ იტალიიდან ჩამოსული მოქალაქეები კარანტინში გადანაწილდებიან.

როგორც ცნობილია, Georgian Airways-ის ეკიპაჟის ყველა წევრი სპეცტანსაცმლით იყო შემოსილი.ბორტგამცილებლებს სპეციალური ინსტრუქტაჟი ჩაუტარდათ და ეკიპირებაც მიეცათ. 200 მოქალაქის ქვეყანაში ჩამოყვანას ფინანსურად საქართველოს მთავრობა უზრუნველყოფს.

შეგახსენებთ, მთავრობის გადაწყვეტილებით, იტალიასთან პირდაპირი ფრენები 6 მარტს შეჩერდა. პირდაპირი ფრენები ასევე შეწყვეტილია ჩინეთთან და ირანთან.