მოხუცმა ქალმა პოლიციელებს აღდგომა მიულოცა - ფოტოები ზუგდიდის ბლოკ-პოსტიდან

მართლმადიდებელი სამყარო დღეს, 19 აპრილს უფლის ბრწყინვალე აღდგომის დღესასწაულს აღნიშნავს. როგორც მსოფლიო, ასევე საქართველო, ამ დღეს განსხვავებულად ხვდება.

ეპიდსიტუაციიდან გამომდინარე ქვეყანაში გამოცხადებულია საგანგებო მდგომარეობა და მოქმედებს ე.წ. კომენდანტის საათი. საკონტროლო პუნქტებია მოწყობილი თბილისში, ბათუმში, ქუთაისში, რუსთავში, ფოთში, ზუგდიდსა და გორში.

ყველა ჩამოთვლილ ქალაქთან განთავსებულ ბლოკ-პოსტებზე 24 საათის განმავლობაში სიტუაციას შინაგან საქმეთა და თავდაცვის სამინისტროს წარმომადგენლები აკონტროლებენ. პოლიციელები, რომლებიც ამ დღეს სამსახურში ატარებენ, მილოცვებს მოქალაქეებისგან იღებენ.

AMBEBI.GE-ს ზუგდიდის ბლოკ-პოსტთან გადაღებული ფოტოები მიაწოდეს, სადაც ჩანს, როგორ ულოცავს დღევანდელ დღეს მოქალაქე სამართალდამცველებს. ქალბატონმა მათ წითელი კვერცხებიც მიუტანა.