ინფორმაცია, 20 ივნისს თბილისის ხელმეორედ ჩაკეტვასთან დაკავშირებით, ტყუილია - მთავრობა

გავრცელებული ინფორმაცია 20 ივნისს ქალაქ თბილისის ხელმეორედ ჩაკეტვასთან დაკავშირებით სიმართლეს არ შეესაბამება. ინფორმაციას მთავრობის სტრატეგიული კომუნიკაციების დეპარტამენტი ავრცელებს.

"სხვადასხვა მედიასაშუალებებში ვრცელდება ინფორმაცია 20 ივნისს ქალაქ თბილისის ხელმეორე ჩაკეტვასთან დაკავშირებით. ეს ინფორმაცია არ შეესაბამება სიმართლეს და მიზნად ისახავს გარკვეული ჯგუფების მიერ საზოგადოების სიცრუეში შეყვანას.

ქვეყანაში არსებული ამჟამინდელი ეპიდსიტუაცია არ გვაძლევს იმის თქმის საფუძველს, რომ თბილისი ან რომელიმე სხვა ქალაქი ჩაიკეტება" - ნათქვამია ინფორმაციაში.