სუსი საოკუპაციო ძალების მიერ 21 წლის მამაკაცის გატაცების ფაქტს ადასტურებს

საოკუპაციო ძალების წარმომადგენლების მიერ სამეგრელოს სოფელ რიყის მკვიდრი, 21 წლის მამაკაცის გატაცების ფაქტს სახელმწიფო უსაფრთხოების სამსახურში ადასტურებენ.

როგორც "ინტერპრესნიუსს“ სახელმწიფო უსაფრთხოების სამსახურში განუცხადეს, დაკავება საოკუპაციო ძალების მიერ კონტროლირებად ტერიტორიაზე მოხდა.

შეგახსენებთ, ახალგაზრდა მამაკაცის დაკავების შესახებ ინფორმაცია გუშინ გავრცელდა.

სუს-ის ინფორმაციით, მამაკაცის დაკავების თაობაზე ინფორმირებულია ევროკავშირის სადამკვირვებლო მისია და ამოქმედებულია ცხელი ხაზი.