პანდემიის შემდეგ ჟურნალმა "ბომონდმა" პირველი წვეულება გამართა - COOL BY THE POOL

ჟურნალი „ბომონდი“, რომლის ისტორიაც 23 წელს ითვლის არაერთი საინტერესო ინიციატივისა და წამოწყების ავტორია, ასევე დაუვიწყარი წვეულებების მასპინძელიც.

28 ივლისს „ბომონდმა“ სააფთიაქო ქსელ “ჯპს”-ისთან ერთად საზოგადოება არაჩვეულებრივ ლოკაციაზე ქალაქიდან ახლოს, საგურამოში არსებულ სასტუმრო Sevsamora Resort & Spa-ში შეკრიბა.

მასპინძელ სასტუმროში საზაფხულო განწყობას საოცარი ხედები, სადღესასწაულო მუსიკა, ფურშეტი და “ჯპს”-ის დაუვიწყარი საჩუქრები ამშვენებდა.

„ვფიქრობ, კარანტინის პერიოდმა ადამიანები მიგვახვედრა იმას, რომ ძალიან მოგვენატრებია ერთად ყოფნა. დღეს ჩემთვის ძალიან მნიშვნელოვანი დღეა, ერთი მხრივ ამაღელვებელია ჩვენი მეგობრებისა და პარტნიორების შეკრება, მეორე მხრივ შინაარსობრივი და საინტერესო წვეულებები ჟურნალ „ბომონდის“ 23-წლიანი ისტორიის განმავლობაში ერთ-ერთი მთავარი ხელწერაა“

თეა აგლაძე, ჟურნალ ბომონდის მთავარი რედაქტორი

წვეულება “Cool by the pool” შუადღით, ტროპიკული კოქტეილებითა და საინტერესო გათამაშებებით დაიწყო.

სპეციალურად მოწყობილ კუთხეებს შორის ღონისძიების პარტნიორი გამომცემლობა „პალიტრა L“ იყო, რომელსაც ზაფხულის ლიტერატურული თავგადასავალი ჰქონდა წარმოდგენილი, სხვადასხვა ჟანრის წიგნები, რომლის გაცნობაც პირდაპირ ფოტო ბანერიდან იყო შესაძლებელი. ხოლო ფრანგული პრემიუმ ბრენდის „სედრალექსის“ საჩუქრებმა სტუმრებში დიდი მოწონება დაიმსახურა.

დღის განმავლობაში სტუმრებს შესაძლებლობა ჰქონდათ საკუთარ თავზე გაეტესტათ ფრანგული პრემიუმ კლასის ბრენდების სხვადასხვა პროდუქტები როგორებიცაა: „Nuxe” , “Lierac” “Christian Breton” და სხვა.

„პირველ რიგში მინდა აღვნიშნო, რომ გავგიჟდი სასტუმრო სევსამორაზე, პირველად ვარ და ვფიქრობ ხშირად ვეწვევი კიდეც. ჟურნალ ბომონდთან მეგობრობის 10 წლიანი ისტორია მაკავშირებს, შესაბამისად ეს საღამოც განსაკუთრებულია ჩემთვის, განწყობა კი ფანტასტიკური“

ალექსანდრა პაიჭაძე, ინფლუენსერი

პანდემიის შემდგომ ჟურნალი „ბომონდი“ ყდის განსაკუთრებული ფოტოსესიით შეხვდა მკითხველს, რომელმაც დიდი მოწონება დაიმსახურა. ჟურნალის ივლისის ნომრის ყდას მსოფლიოში წარმატებული ქართველი მოდელები მატილდა გავრლიანი და ვახო კედელაძე ამშვენებენ.

„მიხარია, რომ დასრულდა კარანტინის პერიოდი და აქტიურად ჩავერთე იმ სფეროში, სადაც აქამდე ვმოღვაწეობდი. ჩემთვის პირველი გარეკანია პანდემიის შემდეგ და ეს ფაქტი ძალიან მიხარია. წლების წინ, კარიერის დასაწყისის პირველ ეტაპზე ზუსტად ჟურნალ „ბომონდთან“ მქონდა პირველი დებიუტი. აქედან გამომდინარე ჩემთვის ყოველთვის მნიშვნელოვანია მათთან თანამშრომლობა“

მატილდა გავრლიანი, მოდელი

წვეულების დასასრულს სახალისო გათამაშება მოეწყო და მეგობარმა კომპანიებმა: ASHLEY HOMESTORE, ახალი კლუბ-რესტორანი ფიბონაჩი, ბრიტანული ბრენდი მატალანი,მაისურების ბრენდი Salta Zakir fashion, Delfy, ესთეტიკური მედიცინს ცენტრი ლოტუსი, პრემიერ დრინკსი, გამომცემლობა პალიტრა ელი, ქართული ყავის კომპანია მეამა, ესთეტიკური მედიცინის ცენტრი ორგანიკ ლაბი,საათებისა და სამკაულბის მაღაზიათა ქსელი TIME, გელ-ლაბ Georgia, ვაკის საცურაო აუზი, Morebeauty.ge, ვიადერმo - დაუვიწყარი საჩუქრები გაათამაშეს.

ნახეთ მეტი ფოტო