ვლადიმერ პუტინი მშვიდობის დარგში ნობელის პრემიაზე წარადგინეს
რუსეთის ფედერაციის პრეზიდენტი, ვლადიმერ პუტინი მშვიდობის დარგში ნობელის პრემიაზე წარადგინეს. ამის შესახებ რუსული სააგენტო TASS წერს. როგორც პრეზიდენტის პრესსპიკერმა, დმიტრი პესკოვმა ჟურნალისტებს განუცხადა, პუტინის ნომინაციაზე წარდგენის იდეა კრემლისგან არ მოდის.
სააგენტოს ცნობით, ეს არის რუს საზოგადო მოღვაწეთა ჯგუფის ინიციატივა, რომელსაც მწერალი სერგეი კომკოვი ხელმძღვანელობს.
"ამ ჯილდოზე აბსოლუტურად განსხვავებული ხალხია წარდგენილი. ამ შემთხვევაში კი პრეზიდენტი წარადგინა მწერალმა კომკოვმა. თუ მიიღებენ გადაწყვეტილებას და პუტინს დააჯილდოვებენ, შესანიშნავი იქნება და თუ არა, რა თქმა უნდა, პრობლემა არ იქნება“, - განაცხადა ჟურნალისტებთან დმიტრი პესკოვმა.
ამასთან, აღსანიშნავია, რომ ნობელის მშვიდობის პრემიაზე ნომინირებულია აშშ-ის პრეზიდენტი, დონალდ ტრამპიც.
"რემდესივირი და სხვა ანტივირუსული პრეპარატები სიკვდილიანობის შემცირებაზე გავლენას არ ახდენს" - კვლევა
"ვაქცინები ნულოვან კოვიდს არ უდრის, პანდემიას ჯერ კიდევ გრძელი გზა აქვს გასავლელი" - ჯანმო-ს დირექტორი
