"ხასიათის ადამიანია... მაგრამ მთავარი თვისება ის არის, რომ საოცრად თავმდაბალია" - ნინო სუხიშვილის ემოციური პოსტი ძმაზე

გენიალური მოცეკვავეების შთამომავლები ილიკო და ნინო სუხიშვილები ღირსეულად აგრძელებენ წინაპრების გზას. მათი ანსამბლი ისევ ისეთი წარმატებით იპყრობს მსოფლიოს სცენებს, როგორც ადრე.

და-ძმის პირადი ცხოვრებით საზოგადოება ყოველთვის ინტერესდებოდა. თუმცა ილიკო საკმაოდ ჩაკეტილი ცხოვრებით ცხოვრობს. ის არასოდეს საუბრობს ღიად პირად ცხოვრებაზე და იშვიათად აძლევს ინტერვიუს ჟურნალისტებს.

ცოტა ხნის წინ მის შესახებ ემოციური პოსტი გამოაქვეყნა ნინო სუხიშვილმა "ინსტაგრამზე":

"ილიკო ძალიან ნიჭიერია - არ შემეშინდება ამ სიტყვის თქმა, თუმცა, ცოტა უხერხულია და ილიკოს არ უყვარს, როცა ვაქებ. მე ვთვლი, რომ ილიკო ყველაზე ნიჭიერია ჩვენს ოჯახში.

ძალიან აფეთქებული და მრავალმხრივი ნიჭი აღმოაჩნდა, არამარტო ქორეოგრაფიული, მუსიკალურიც... ძალიან სწორი ადამიანია. რენტგენივით არის, ზუსტად გრძნობს მეორე ადამიანს.

აქედან გამომდინარეობს მისი დამოკიდებულება სხვების მიმართ - ვისთან არის გულახდილი, ვისთან კიდევ კედელს აიფარებს. თანაც, ხასიათის ადამიანია. დღეს ასეთ ხასიათზეა და ასე იქცევა. ხვალ ისეთ ხასიათზეა და ისე იქცევა.

„რამიშვილების“ აღდგენა შეიძლება ხვალ აღარ მოუნდეს და აღარ აღადგინოს. სამაგიეროდ, რაღაც ახალს გააკეთებს. შემოქმედებითი წვა აქვს ქრონიკულად, თან ძალიან დაკვირვებულია. მაგრამ მისი მთავარი თვისება ის არის, რომ საოცრად თავმდაბალია" - წერს ნინო სუხიშვილი.