ჩილეში საპროტესტო აქციის მონაწილეებმა პოლიციის შენობებსა და ორ ეკლესიას ცეცხლი წაუკიდეს - ფოტოები და ვიდეო

ჩილეს დედაქალაქ სანტიაგოში მორიგი საპროტესტო აქცია გაიმართა. დემონსტრაცია თავდაპირველად მშვიდობიანად მიმდინარეობდა, თუმცა მოგვიანებით აქციის მონაწილეებმა პოლიციის შენობებსა და ორ ეკლესიას ცეცხლი წაუკიდეს.

ამასთან, აქტივისტების ნაწილმა მომხდარი არეულობის დროს მაღაზიები გაძარცვა. აქციის დროს დემონსტრანტებსა და სამართალდაცავებს შორის დაპირისპირება მოხდა, რა დროსაც 18 პოლიციელი დაშავდა. სამართალდამცავებმა აქციის დასაშლელად ცრემლსადენი გაზი და წყლის ჭავლი გამოიყენეს.

შეგახსენებთ, ჩილეში საპროტესტო აქციები 1 წლის წინ მეტროს ბილეთების გაძვირების გამო დაიწყო. მოგვიანებით მათი მოთხოვნა განათლებისა და ჯანდაცის სისტემების რეფორმით შეიცვალა.